
مشه قولو سحر چاغی ساعات 6:45 دقیقهده اوغلو سولئیمانی یوخودان اویادیب دئدی:
ـ بالا بسدی آخی به! گون چیخدی سن اویانمادین! اده مهیه دئمهمیشدیم تئزدن دور گئت فهلهمئیدانیندان بیرینی گتیر بو حیهطین دووارین اوجالداق!
ـ دده! ... دده!
ـ نهدی؟ اؤلوسن دوراسان؟.... جان چکیسن؟ ... بسدی دور گؤروم...
ـ دئییرم ددهسن هئچ ساعاتا باخمیسان؟ ... آخی ایندیده فهله گلر مئیدانا؟
ـ اولان [اوغلان] دور جهنم اول گؤروم... سنه باخما خاخ [خالق] صوب شاواخدان گئدیر ایش دالیجا... آغایا باخ! دئییر بلکه هامی بونا تای بئیاردی! گون اورتایاجان یاتیر!
سولئیمان ایشینی سئچیب تلهسیک آیاغا قالخیب ال-اوزونو یومادان گئیینیب ائودن چیخدی. مشه قولو ایسه حیهطدهکی کرپیجلری دووار ایشلهمهیه حاضیرلاماغا گئتدی. بیر ساعات کئچمهمیش سولئیمان یانیجا بیر 45-50 یاشلی کیشینی گتیررک ایچهری گیردی.
ـ دده! بو آغا بویون بیزه ایشلییجخ...
ـ اولان به هارداسیز... ایکی ساعاتدی گئدیبسن بیرینی گتیرمهیه...
سولئیمان ایله گلن کیشی حیهطین بیر قیراغیندا پالتارلارین دییشمهیه گئتدی. بو آرادا قولو ایسه سولئیمانا یاواشجادئدی:
ـ بو فهلهینن نجور دانیشیبسان؟
ـ دده یامان دانیشمیشام! سسییین چیخاتما... اؤزونن یئیهجخ... اؤزوندن ایچهجخ بیزه ایشلهیه...
قولونون گؤزلری باشینا دیرماشاراق، آجیقلیـآجیقلی دئدی:
ـ سنی اؤلهسن بئشووور کؤپئیوغلو! باشییان داش سالیم... منیم باشیما فهله توتوب... اولان ائلهسین توتاجایدین بیزده اوندان یئیخ!